ياشام اوچون يولوم وار بختيمه پايلاريم وار

ايلگي لرين بوداقي وارليقيم نغمه سي وار

قووشماقليق بيزيم دير شانليك باهار سوزوم دير

تانري باهار بارلاندير بارلي باخيش گوزوم وار

ايلغاريمي باغلارام وارليق يولون تاپارام

ياشامين آخيميندا سن نن بيرليك ساخلارام

حيات يولون توتاريك ياشامي شان ساخلاريك

وارليقي گورسد ماقا گئنه ايلغار باغلاريك

                         ***

ملي وارليق باغلاري ساخلانسالار قالار لار

ساخلانماسا دا قاجلار وارليقي اود لادار لار

آفت دوشسه وارليقا گئچينمه ليك ايش وئرمز

شخته وورموش باخچادا ، يئميشلر درده ديمز

اوزاقلانسين آفت لر يوخسا ايشلرين گورر

اولسون گره ك شيرنه لر يوخسا امك لر ايتر

يوزگون يالوارسان اونا گولر سنه سوز دئمز

كلاس دا قويسان الونا اوز ايشلرين نن دونمز

يوموشاق ليق يول سالماز ايستك لره آپارماز

گوجسيزه يارديم اولماز سلطه يولون باغلاماز

سلطه جاوابي زور دير زور اولماسا سوز قانماز

زورلاري اولان سوي دير ، اوزگه لره آلدانماز

                         ***

ئولکه میز کیمکیکده ماراقلی اولار

اوزلوکون وارلیقین ئولکه میز ساخلار