سئوگي سئويل باغيندا

شاعير كيم دير آقا مصطفي

۲۹ خرداد ۱۳۹۰

 

شاعير كيم دير جناب مصطفي

 

شاعير كيم دير سوز بوخچاسين آچميشام

 

گوز ئونونده سويوموزا يايميشام

 

سوز بوخچاما ياخينلاشيب باخيب سان؟

 

سن اوخويوب سوزلريمي داديب سان؟

 

اوخوماميش جبهه نييه آچيب سان

 

قاشا باخيب گوزه ماققاج ووروبسان

 

مومن كيشي سن ده گتير بوخچايين

 

شاعير كيم دير آچدير گينان سوفرايين

 

آنا ديلده يازديقلارين بيللنسين

 

سويوموزون وارليقيندا گورسن سين

 

قوي سنين ده سوزلرين بارلي اولسون

 

سوز كوزه سي ملي وارليقدان دولسون

 

آنا ديلي بير آيه دير بللي دير

 

نانكور اولان جماعتي سس له دير

 

اوزگه لردن بورج آلماقي بوراخين

 

آنا ديلده سيزده كرامت تاپين

 

بو وارليقين سوفراسي دي آچيليب

 

بو آنا ديل وارليقي دي يايليب

 

سنده آنا ديل سوفراسين آچايدين

 

سويوموزدا گوز ئونونه سالايدين

 

اوندا سويون باخيشلاري بلله نر

 

نظر وئره ر ده ييرلي سي بيلله نر

 

اوزگه ديلده سوزومه آد قويمايين

 

توركي سوزه توركجه ده سوز يايين

 

جناب مصطفي قلي زاده ، سن

 

من ايستيرم نظريين بيلله دن

 

آنا ديل وارليقي شوكور ايستيري

 

نانكور اولان كفر سوزون دئييري

 

***

 

 

 



بؤلوم : آنا ديل
یازار : جعفر احمديه

شاعير كيم دير 3

۲۸ خرداد ۱۳۹۰

 

شاعير كيم دير

3

غيبي لري ، اولاي لاري گورسه دن

 

ملي وارليق بايراقيني ترپه دن

 

گوزگو تك يوخ آرتيق جا دا بيلله دن

 

حقيقتين يوللاريني ديلله دن

 

شاعير بو دير كورلوق لاردا قالماسين

 

كورام كورلار ايچينده ، سوز دئمه سين

 

گوجلي لره يالان لاري سوزمه سين

 

اوتوزجا ايل يالان نان سوز دوزمه سين

 

بير خالا دا ئولكه لري وئرمه سين

 

سويدا شعور آنلاق لاري بسله سين

 

حق يولوندا يئريش لري بسله سين

 

حق سيزلري قوروماق دا اولماسين

 

پول و شهرت اوچون سوزون سوزمه سين

 

قورخولي يول اولسا گئدسين دورماسين

 

اورنك اوچون حسين دئسين قالماسين

 

مظلوم لاري ظاليمه سيندير ماسين

 

عدالتين يوللاريني بلله سين

 

فرعون اولان عدالتي بلله مز

 

سلطه سالان آزادليقي ايسته مز

 

بورالاردان شاعير ايشي چتين دير

 

اونون اوچون حق ساخلاماق بللي دير

 

تانري اوزي حق يولوني سئوندي

 

تانري اوزي عدالتي دئين دي

 

تانري اوزي فرغون لاري بوغاندي

 

ياخشي آل وئر شاعير اولان سالاندي

 

بو حياتا اوزوني ساتمئياندي

 

ملي وارليق يولون بللي توتاندي

 

***

         



بؤلوم : آنا ديل
یازار : جعفر احمديه

علي رحمت هماسي

۲۲ خرداد ۱۳۹۰

 

علي رحمت هماسي

علي اي رحمت هماسي تاري نين پارلاقي سان

سويوموز ، شيعه لرين اومودونون چيراقي سان

علي اي كعبه بالاسي تانري نين ولي يي سن

عدالت يوللارينين وارليق لاري ، اورنكي سن

علي اي نبي آرخاسي غزوه لر فاتحي سن

بت سئون قانمازلاري قانديرماقا سوز دئيير سن

علي اي نبي داوامي امامت بيلديري سن

سن شهيد لر آتاسي عدالته قان وئري سن

ملجم مرادي دير قالين بئين قرآن دئين

عمرو عاصا قرآني ملجم اولوب دي اويره دن

گليب دير اسلاما خاطر، علي سني ئولدوره

ائلجه قانمازلارين ايشلري بئله بيلله نه

حكومت باشچي لاري امنييته قان توكوري

گور نئجه عدالتين دوواريندا خيم سوكوري

عدالت دووارلاري سواخ دگيل كه سوكوله

طاغوت لار طاغوت لوقوندا بو دووارلار سوكوله

عدالت تانري نين اوز پارلاقي دير قالاجاق دير

سويلار اوز ديللريني نين آيه لرين سالاجاق دير

علي اي رحمت هماسي تانري نين پارلاقي سان

سويوموز كولتورونون لاپ داواملي داياقي سان

شيعه دن بحرين ده كيم قان آخيدير

خليفه آدينان جنايت سالير

سويلاردان كولتوري كيم لر يانديرير

قانمازلار نئجه يانماقا قيزيشير

 

علي نن عدالت

 

ائل گوني رجبين اون اوچي اولوب

فاطمه كعبه نين يانيندا دوروب

فاطمه اسدين حورمتلي قيزي

چاغيرير تانري ني دئييري سوزي

ايناميم وار سنه نبي لرين نن

دوغومي سن منه آساد ائيليين

بيلله ديب سن اوزون سن نن ايستيين

ايستكه چاتان دير اولوب سان دئين

يارديرير كعبه نين دووارين تانري

چاغيرير فاطمه گئدسين ايچه ري

اورتوشور كعبه نين ياريق دوواري

بيتيشير بيللنمير نمنه اولايي

هه له ده او ياريق ايزي بللي دير

دوزه ليش نه اولسا گئنه بيلله نير

او ياريق مستجار ايندي آدلانيب

يماني ركني نه اورا ياپيشيب

ابو طالب اوغلي علي يارانير

گونش تك پارلاق ليق اوندا سازلانير

اي ملت علي دير تانري ائوينده

تانري نين ولي سي وارليق ئونونده

ايشيقي ساچيلير وارليق بويونا

محمد داياقين باسير باغرينا

رجبين اون اوچي بئله پاريلدار

عدالت علي نن يولون آچديرار

كعبه ده دوغولان علي اولوب دي

علي دير ايلكده اينام ساليب دي

داياقين علي دن محمد آليب

غزوه لر علي نن اوستونلوك تاپيب

علي نين سوزلري بيزلره قاليب

بيليم ده اوچ جوره اولماقين يازيب

دينه فقه ساغلاما دوقتورلوق اولار

گرامر نحو ده ديله ساخلانار

ديللري ساخلاماق يولون ايستيري

علي نين سوزلري وارليق دئييري

 



بؤلوم : آنا ديل
یازار : جعفر احمديه

من طلب عشقني

۱۹ خرداد ۱۳۹۰

من طلب عشقني

نه منيم ، نه سنين

هر كيمسه اوزي اوزونون

بير بيردن باغلي ليق ، بير بيره وارلي ليق

سلطه اولماسين

من نن اولسون اوزي اولسون

يوم الوصل وار، يارديم ليق اولا

يوم الفصل وار هر كيمسه اوزي حساب لانا

بوننان بئله يدالله مع الجماعه

بوننان بئله سئويل تانري كوچه سي دي

سئوه ن تانري ليق سسي دي

سئوگي تانري نفسي دي

من طلب عشقني

***



بؤلوم : آنا ديل
یازار : جعفر احمديه

اي امام

۱۳ خرداد ۱۳۹۰

 

اي امام

 

سن علي نين يولونون پارلاق اولموش اولدوزي سان

 

سن كرامت واري نين بللي اولموش نشاني سان

 

سن بو گون دنيا بويي گوجسيز لرين داياقي سان

 

سن بوگون كوير اولان قورو يئرلر سولاري سان

 

 

اي امام

 

سن علي تك عدالت حكومت دن آختاريسان

 

سن اوزون عدالت دن كرامتي ياراديسان

 

سن زاغا دا قالان لار وارليقي نين داياقي سان

 

سن اوزون عدالتين بللي اولموش بايراقي سان

 

 

اي امام

 

بير نظر گوزون قيراغين نان بيزيم كولتوره باخ

 

بير باخيش گوزون قيراغين نان بيزيم يازقي يا باخ

 

آنا ديل وارليقيميز يازيلميري بير بونا باخ

 

سن ملي وارليق لارين آيه سينه بيزلرده باخ

 

نه دئياخ ، حق يولوني زورچو لارا بلله گينان

 

بيزيم ملي وارليقي آيه كيمي گورسد گينان

 

سويلارين كولتورلارين حق اولماسين تانيد گينان

 

بير ده سن نظر ائيله عدالتي بلله د  گينان

 

 

اي امام

 

سنين كوچمه گونويون ايل دونومي باشلانيري

 

ارنلر ئولكه ميزين هر يئرين نن جوشلانيري

 

سني نن گوروش اوچون يول آپارما خوشلانيري

 

بو عدالت سئوگي سي عدالته توشلانيري

 

كولتورون عدالتي سويوموزا خوشلانيري

 

***  



بؤلوم : آنا ديل
یازار : جعفر احمديه

آنا لار وارليق داغيدير

۱۱ خرداد ۱۳۹۰

 

آنا لار وارليق داغيدير
يانليش يئريش بيللنميري
باخار گوزده گورسنميري
فيكير لرده تانيلميري
القائ واردير ترپه ديري
يوخلوق لاردا ساخلاديري
دسيسه وار قاج ساليري
وارليق لاري آپاريري
فيكيرلري پاس لاديري
چاميرلي سو يول آچيري
دوشونجه لر چيچك لنمير
بوداق لاردان آييرلانير
كولتور گئچميش قوپور لانير
سيخينتي وار كونول سيخير
آنا لاروارليق داغيدير
***






بؤلوم : آنا ديل
یازار : جعفر احمديه

آنا - تايا

۵ خرداد ۱۳۹۰

 

آنا – تايا

ذيروه نين الين نن دنيز ياپيشير

سئويملي ايستكين ذيروه يه سالير

گونشين ساچلارين سينه يه آلير

بيرليكين سئوگي سي دالغا يارادير

دنيزلر دالغاسي ذيروه دن گلير

ترپنمه دالغادا وارليق بيلله دير

دالغالار وارليقي دنيزدن قالخير

دنيزلر وارليقي ذيروه دن آخير

كولتورلر ذيروه سين بيزدن كيم آليب

تاياني بيزلره آنا كيم دئيب ؟؟

تايادان آناليق كيم لر بيلله ديب

كيم لرده اوزگه لر وارليق دئيريلديب ؟!
توده لر بوزقيري ذيروه سيز قاليب

توده لر دنيزي ذيروه سيز اولوب

بونجاقي بئله دير دالغاسيز قاليب

دنيز يوخ دالغا يوخ توده آلدانيب

بو تايا ايشي دير آلداديش وئرير

بو تايا اوزگه دير چونده ريش دئيير

بو تايا گليب دير چوندرمه سالا

اصيل بير آنانين يئرينده قالا !!!

***

بئله قالمئياجاق

ائله قالمادي بئله قالمئياجاق

وارليق اوجاقيميز يانار اولاجاق

كيمليك بوداقيميز وارا دولاجاق

آيدين گونلريميز گليب چاتاجاق

ائله قالمادي بئله قالمئياجاق

يازقي يئريني گئنه آچاجاق

سويوموز وارليقي ان پارلاناجاق

كولتور ايشيقلاري كونول توتاجاق

تايا لار ديللري آجي اولاجاق

اصيل آنا ديلي يئرين آچاجاق

آنا ديل حققي ديرشكر آدلانا

آنا ديل حققي دير هونر باشلانا

آنا ديل پايلارين گئنه آلاجاق

ائله قالمادي بئله قالمئياجاق

حق گلسه كافرين بئلي سيناجاق

بوكولموش قامتين توپراق توتاجاق

وارليقين نغمه سي اوني ياپاجاق

سسلري اونون دا اتيب باتاجاق

كافر تك اودگيل امام ئولدورسون

الينده توشكاينان سويو قيرديرسين

آغ قيريم سالان دا كافر اولاندي

اوزلرين دانان لار كفري ياياندي

گئده جاق كافر ده دا قالمئياجاق

ائله قالمئيب دا بئله قالمئياجاق

آغ قيريم قاباغين تعصب آلار

سويوموز واريندا تعصب يازار

قيرت لي ايگيد لر بير يول سالاجاق

ائله قالمادي بئله قالمئياجاق !!
***

 



بؤلوم : آنا ديل
یازار : جعفر احمديه

قادين گوني

۳ خرداد ۱۳۹۰

قادين گوني

بو قادين گوني ديرآنا قادين  دير

بو آنا گوني دير وارليق اونون دير

اويره نيش باغلاري اوننان قالان دير

وارليقين قالماسي اوننان اولان دير

سويلاردا كورلانيش يولون آچمايين

كورلانيش سازلانيش قاتيب قاتمايين

يئخيلا يئخيلا دوران اولموشوق

تاتي تاتي تئزه يولا دوشموشوق

تشويقي ماراقي بيزدن آلمايين

اونملي ايشلري گوزدن سالمايين

آنالار ساخلايين وارليق كورپه ده

گله جك كيمليكي اوندا بيلله ده

آنالار دانمايين كوكي كورپه ده

قيرمايين سوي ديلين اوزوز كورپه ده

اوزلوكدن كورپه يه داديزان اولون

سوزلوكدن ماياني اوندا وارلادين

تانري وئرميش پايا شوكور اويره دين

نانكورلوق يوللارين داها گئدمايين

اويره نيش باغلارين يانقين سالمايين

اوزگه لر بوياقين آرتيق ياخمايين

اويره نيش سالديران يولون صافلايين

كورلانيش وئرمه يين ماراقلي سالين

پيس له ماق انتقاد سازلادا بيلمز

اياقا دوراني ساخلادا بيلمز

ماراق دي تشويق دي يئريش يارادير

اونملي اولماقي داها پارلادير

كورلاما راحات دير نانكور ايشي دي

وارليقا شوكوري تانري دئيري

كورلاما ائله جه خيلنت اولار

تئزه يول تاپاني گئنه ده يئخار

آييري سوي بوياقي بيزي ساخلاماز

اونلاردا اريماق بيزي وارلاماز

آييري سوي آخيمي آپارماسين دا

آناينان كورپه سين آييرماسين دا

بيزلره خيانت سالان اولمايين

آييري سين بيزلره اوستون توتمايين

 

 



بؤلوم : آنا ديل
یازار : جعفر احمديه

ايگيد

۲۶ ارديبهشت ۱۳۹۰

 

ايگيد

سينيلماز قامتين وارليق ساخلادير

دئيريليك باغلاري سن نن يارانير

هر چاغدا اولماقين اونملي اولور

اسوه لر سني نن وارليق دا قالير

حياتين وارليقي سنه باغلانير

سئوينجين يوللاري سن نن باشلانير

شوكور لر دنيزي وارليقي ساخلير

دالغالار داليندا درين ليك تاپير

سويداكي ايگيد لر دنيز اولاندي

بير بيره باغلانيب دالغا سالاندي

ذيروه لر يولوندا چاليشان اولان

كرامت وارليقا سالديران اولان

تهلكه يولوندا دوروب دايانار

داياق ليق وارليقا وارينان سالار

وارليقين قويانلار وارليق ساخلادار

اوزگه يه سينان لار بره داغيدار

يئخيلميش بره لر واري كورلادار

وارليقين باغلاري داها پوزولار

بوردادير خائن لر وارليق ساخلاماز

يئخيلميش اولانين قامتي اولماز

خائنه برك اولماق اونملي ايشدي

قالماقا پاك قالماق گره ك لي ايشدي

***

 



بؤلوم : آنا ديل
یازار : جعفر احمديه

شهادت فاطمه ( ص )

۶ ارديبهشت ۱۳۹۰



بؤلوم : آنا ديل
یازار : جعفر احمديه

[1][2][3][4][5]