شهرياري سئوير سيز - شعر و ادب گونونون موناسبه تينه
شهرياري سئوير سيز
من دئييرم سيزلره سيز سالاسيز سوزلره
كولتور چيخا اوزلره گوروم گله ايز لره
من بيليرم بيلير سيز بيليم لي سوز دئيير سيز
شهرياري سئوير سيز سئويلماقين ايستير سيز
بير كيمسه دي شهريار كونول دولي دويغوينان
چوخ ياپير دي شهريار دولي
اويود سوزينان
بو دنيانين واريني نوحدان قالان بيلله دير
يالان دنيا اولماقين كيمسه لره بلله دير
اوزلوكوني سئوير دي سوزلرينده بللي دير
قاج تانيماق دئمير دي يازقي لاري گورسه دير
فردوسونون يانيندا قويساق بيزه بيلله نر
فردوسودا ساواشماق تورك لري نن گورسه نر
تورك لر نييه سينيب لار؟ اوستونلوك توتمويوب لار!
اوزگه لرين وارينا داهاجا آرتيريب لار
اوز وارينا باخمئيب اوزگه ني بركيديب لر
گاهدان اوزون دانديريب وارليقدان انديريب لر
محمد تقي جعفري بويوك بير عللامه دي
كوچماق ليقي دنيادان تانري يولون بلله دي
ايندي اوننان قالان لار آييري ديلي توتوب لار
كوكدن قيريب آرخاليق آييري سين نان آليب لار
بونجاق بئله اولوب دي تعصب ساخلامئيان
ساخلادانماز كيمليكي سويلاريميز دا اينان .
***
بؤلوم : آنا ديل
یازار : جعفر احمديه
خائن كيمسه
خائن كيمسه
خائنين يازاري سين سين سوزلري يئر آچماسين
سويوموزدان قوزانيب واليقيني قازماسين
سويون گوجسيز چاغلاري خيانت آيدين لانير
خائن اولان سويونا لاپ بيليملي تانينير
خائن كيمسه قاج دگيل اوننان داها آلچاق دير
سويوموزون ايچينده آمما سويونا قاج دير
سالاندي بو يولوني بللي اولماز ايزينده
بللي اولان خائني سوي ساخلاماز اوزونده
قاجلاري مينديرندي ياواش ياواش سويونا
اوز ديلين انديرندي قاجين اياق آلتينا
خائن لري تانيماق چاغي اونملي چاغدير
خيانتين جزاسين اونلار دا دادمالي دير
اوزون قاتير سويلارا تانينماز كيمسه اولا
خيانتين سالديقجا قاجدان دا فايدا آلا
قاج اوني اوستون توتور سويلارينا يول آچا
بو قاجلارين يولي دير خائن لره پست آچا
قاجلارين سلطه سينده خائن اولان گوجلي دير
سلطه لر كولگه سينده خائن اولان ياخشي دير
***
بؤلوم : آنا ديل
یازار : جعفر احمديه
الهي
الهي
الهي اي تانري بيزي اوزگه لر كولگه سينده بويودمه
اي تانري بيزي اوزلرين دانان لاردان ائله مه
اي تانري بيزي باطل گئدن لردن ائله مه
اي تانري بيزي اوز وئرديگين كيمليك ده ساخلا
اي تاري بيزي حق دانيشان كيمليك قورويان ائله
اي تانري بيزي وئرديگين ديلده كرامتلي ائله
اي تانري بيزيم ئولوب گئدن لريميزه رحمت ، قالان لاريميزا كرامت وئر
اي تانري بيزدن ئولنلرين گوناهلارين نان گئچ قالانلاريميزي اوز يولوندا
ساخلا
اي تانري بيزدن ئولنلره اوز بهشتينده يئر وئر قالان لاريميزي اوز يولوندا
چاليشان ائله
اي تانري بيزلري اسراف كارلاردان ائله مه
اي تانري بيزه يارديم اول سنين يولوندا دوشونجا احسان ائدن لرين نن اولاق
اي تانري شيطان لاري گئنج لريميزه مسلط ائله مه
اي تانري سلطه چي لري ، شيطان لاري سينديرماق لاريندا اومود سيز ائله
***
بؤلوم : آنا ديل
یازار : جعفر احمديه
طر بايرامي
فطر بايرامي
بير آي اوردوگاه سازلانيش وئريب
وارليق باغينا پاك لانيش دئيب
وارليق آيه دير تانري بيلديريب
شيطان وارليقا قاجليقين دئيب
تانري شيطاني بيلله ديب بيزه
طاغوت سلطه سين گتيريب سوزه
آزادليق سئوير انسان اوزونه
تانري استه دير، بنده اوزونه
آمما سلطه لر آييري سوز دئيير
تانري يئرينه ، اوزون وئرديرير
سويلار تانريدان پايلارين آليب
سلطه حققاسين سويلارا ساليب
تالان سالماقا آلداديش سالير
سويلار كولتورون اونلاردان آلير
بير آي اوردوگاه شوكور اويره دير
نانكورلوق يولون داها پيس له دير
شوكور وارليقا وارليق آرتيرار
سويلار كيمليكين اوندا ساخلادار
فطر بايرامي سئوينج گوني دير
بير آي ايشلره ايشليك گوني دير
فطر بايرامي بيرليك گوني دير
فطره يوخسولا بو گون پايي دير
طاغوت بيزلري يوخسول ائديب دي
كولتور واريني بيزدن آليب دي
فطره بيزلردن كولتور ايستيري
داياق سويلاردان بللي سئويري
فطر بايرامي موبارك اولسون
سويلار وارلارين طاغوت دان آلسين
***
بؤلوم : آنا ديل
یازار : جعفر احمديه