اينجه ايين 3
اينجه ايين 3
سوز باغي نين وارليقين اينجه ايين ساخلامي
ر
اولوس لارين كولتورون اينجه ايين سازلامير
فطري پايلار وئريب دي تانري شوكور ايستيري
شوكور دئين اولوس لار وارليق لارين بيليري
اينجه ايين نانكورلوق سوز باغينا سالماسين
اينجه ليگي سوزونده بوروشوقا قويماسين
يئكه يئكه سوزلري بوروب هوروب دئين لر
اوزلوك لرين باغيندا وئرنيخماقي سئونلر
باخين اوزگه كولتوري نئجه اونا گولوري
اوني اويون جاق ائديب كولتورون نن ائديري
اينجه ايين دئمه سين توپورماقي هونر دي
اينجه ايين دئمه سين دنيا سوزون سئور دي
اينجه ايين بير باخسين كولتوري نمنه ايستير
نقصان ليقلار نمنه دي اولوسي نمنه دئيير
***
بؤلوم : آنا ديل
یازار : جعفر احمديه
اينجه ايين جنابلارينا
اينجه ايين
اوزگه ني سئوديرير سن سوز دئمه ميش گوروم نن
وارليقين بيلديرير سن يوخسولا كيمليكي نن
قاييد ماقين يوللارين باغلاما اوزلوكه سن
گنج لره سئوديرمه اوزگه لرين وارين سن
اوزلوك باغيندا آخيم نييه تانينماز اولسون ؟
اوزلوك باغينا آخيم نييه سالينماز قالسين ؟
من عرف نفسني ايناملارا دولون سون
اولوس دا تانري سوزي اينام يئريني سالسين
اولمويا خائن ليقين يوللاريني سالير سان !
اينجه ايين آدينان اوزگه ني بارلادير سان
چوخلي نسيللر بويي اولوس اوزون تاپمئيب
خائن اولان ارنلر يئريشي ني باغلاديب
گوزه يارديم فيكير لر خائن لري تانيد سين
اولوس لارا ايچ ائدسين خائني گوزدن سالسين
اينجه ايين دئمه سين سوزلوك اونا يارديم دير
دوزمه سين سوزلريني گوروم سيز لر خائن دير
قوري سوزي نينيري اولوس داياق ليق ايستير
وارليق لارين باغينا حيات آخيمين ايستير
***
بؤلوم : آنا ديل
یازار : جعفر احمديه
سوزه سوزي قوشانلار
سوزه سوزي قوشانلار
سوزه سوزي قوشانلار اوتانسينلار اولوس دان
ساري تئلي توتانلار دئسينلر بير وارليقدان
كيمليك ، وارليق ، قانسينلار سلطه يه سينماسينلار
اوزلوك دادين دادسينلار خمار گوزي آتسينلار
سوزه سوزي قوشانلار چيخارلارين قانمازلار
اولوس لارين آغري سين خيرداجا دا دادمازلار
سوزه سوزي قوشانلار سلطه لره سينارلار
سلطه لره سينان لار خائن ليقي توتار لار
خائن اولان كيمسه لر اوزلريني بيلسه لر
اولوس دا اوز يئرلرين وارليق لارين گورسه لر
خيانت دن ال چكيب حقيقتي توتار لار
مفكوره نين يوللارين وارليق لارا آچار لار
آمما خيانت ائدن گوزلريني باغلادار
حقيقته گوز يوموب شيطانلارا باغلانار
خائن ليقي سالانلار اوخور لاردا ياشار لار
اوخورلاردان قوزانيب گئنه اوندا ياتار لار
اوخورلاري ساخلاماق خادمليقي ايستيري
خادم ليق دا قالان لار خيانتين ائديري
آزادليقين خائني طاغوت لارا سينان دي
طاغوت لارا سينان لار شيطانينان قالان دي
***
بؤلوم : آنا ديل
یازار : جعفر احمديه