حمد و آلقيش بويوك تانريا ’ ديله يش لرين ايلكينده

1 ) – حمد و آلقيش تكجه تانريا دير كه هر نه دن ايلكي دي و اوننان قاباق يوخدي و صون دي و اوننان صون يوخدي .

2 ) – او تانري كه هر باخانين گوزلري اوني گورماقدان اسكيك ويئتر سيز و هر تعريف ائده نين دوشونجه و فيكيري اوني تعريف له ماقدان قاليب دي .

دوزه ليد دي .

4 ) – سونرا اوز اراده سينن اونلاري دوز يولا آپاردي و اوز محبت يولوندا ساخلادي  ، او يارانميشلاري كه گوجلري يوخيدي تانري نان قاباقا سالاني دالييا

سالا ، و ائله بير يارانميشلاري كه تانري ايستكينه گوره آييري لاردان دالي ديلار و قاباقا دوشمك گوجلري يوخيدي .                         

5 ) – و بويوك تانري اونلارين هره سينه بللي روزي و زوماري بيلديريب و او كيمسه كه تانري اونا چوخ روزي وئريب دي ، بير كيمسه قادير اولماز

اوننان آزالدا ، و او كيمسه يه كه تانري اونا آز روزي وئريب دي بير كيمسه ائيليه بيلمز اوني چوخالدا .

6 ) – سونرا بويوك تانري هر يارانميشا بير ئولچو بللي ائديب و اونا بير قورتولوش بيللنديريب كه گونلر باشا چاتماقينان عومور گونلري صونا يئريش آپارير و روزگارين آنيه لري قورتولماقينان عومور صونا چاتير و تانري اونون جانين الير و اوني ايستك طرفينه كه قاباقدان اورايا چاغيريب دي آپارير ، اورادا ثواب ايسه چوخلي پايلارينان و يادا آغري و عذاب لاردان بير زاد اونا وئرر لر و آغري وئرر لر  ، بئله دي كه پيس ايش گورنلره اوز گوروملرينه گوره عذاب

و ياخشي ايشچي لره ئياخشي ليق ائدر لر

7 ) – بونلار اونون عدلين نن دي كه آدلاري مقدس و پايلاري بللي دير ، بير كيمسه قادير دگيل اوننان سورغو ائده ، آمما هاممي اونون باراباريندا سورغولاشارلار.

8 ) – حمد تكجه تانريا عايد دير كه اگر اوز بنده لرين اوز پايلارينا تانيد ديرماسايدي اونون پايلارين نان فايدا آليب حمد ائد مز ديلر ، اونلار تانري يوللويان زومارا شوكور ائد مز ديلر .

9 ) – بو اوزده انسانليق دان چيخيب و حيوانليق ئولچوسونده اولارديلار او جوره كه بويوك تانري اوز محكم كتابيندا بئله بيلله ديب كه اونلار ائله بيل دورد قيچلي و بلكه ده اونلاردان آزقين راق ديلار

10 ) – حمد و آلقيش تكجه تانريا عايد دير كه دوشونجه و تانيماق پايلارين بيزه عطا ائله دي و شوكور ائدماق يوللارين بيزه الهام وئردي ، و بيز بيلمئين بعضي قاپيلاري بيزه آچدي و بيزه توحيد ده اخلاصا چاتماقين يوللارين بلله ددي ، و بيزي اوز ايشلرينده شك و دانماقدان اوزاق لاد دي .

11 ) – اوني او جوره حمد آلقيش ائديريك كه عومور بويوندا او آلقيش اولونسون ، و بير ده او كيمسه لردن كه تانري سئوينليقينا و باغيشينا قاباقا دوشورلر قاباقا دوشك .

12 ) – ائله بير حمدي كه عالمده قارانليق پوزقونلاري بيزه ايشيقلانديرا، اودنيانين چتين يولوني بيزه آساد ائده و محشر تانيق لارينين يانيندا بيزيم دورارليقيميزا شرافت وئره ، او گون كه اوندا هر كيمسه اوز گوروملري نين جزاسينا يئتيشر و بير كيمسه يه ظلم اولماز ، بير گوندي كه اوندا هئچ يولداش يولداشينا يارديم ائتمز و اونلار يارديم اولمازلار .     

13 ) – او جوره حمد و آلقيش ائديريك كه بيزيم طرفدن لاپ اوستون يئرلره چاتا ، تانري كتابيندا يازيلميش كيمين ، كه تانريا ياخين لار اونا تانيق ديلار .

14 ) – او جوره حمد و آلقيشي كه گوزلريميزي ايشيقلانديرا ، اوچاغدا كه گوزلر قورخودان پاريلدار و زيلله نر و بيزي اوزي آغ ائدر ، اوچاغدا كه پيس ايش گورنلر اوزي قارا اولارلار .

15 ) – او جوره بير حمد و آلقيشي كه بيزي تانري نين اودونون آغري سين نان قورتارا و تانري رحمتي نين ياخين ليقينا آپارا .

16 ) – حمد و آلقيشي كه اوننان تانريا ياخين دوشنلردن قاباقا دوشه ريك ، و هميشه ليك اونون پيامبر لري نن اوتوراريك و تانري نين هميشه ليك كرامتينده قالاريك .

17 ) – حمد آلقيش تكجه او تانري نين دير كه ياخشي اخلاق و داورانيشي بيزه دئيب و پاك روزي لاري بيزه وئريب دي .

18 ) – و بيزي هاممي خلق لره و يارانميش لارا اوستون ائله دي ، او يئره كيمين كه هاممي يارانميشلار تانريا خاطير بيزه مطيع و بيزدن سوز قابول ائدن اولدولار و تانري نين بويوك لوقي خاطره بيزي نن اولدولار .

19 ) – حمد و آلقيش تكجه تانري اوچون دير كه بيزيم احتياج قاپيميزي اوزگه لره باغليري و تكجه اوزونه آچيق قويور ، بئله ده اونون حمد و آلقيشين نئجه  يئرينه گتيره بيله ريك ، هاچاغ اونون شوكورون قيلا بيله ريك ؟ نه واقت ائيليه بيلليك ؟!

20 ) – حمد و آلقيش تكجه تانري اوچون دير كه آچيليش آلقاشلارين ، دفاع و ساخلايش آلقاشلارين بيزه وئردي و بيزده روحي نشانه لر و گورسدمه لر قويدي و گوروملري يئرينه يئتيرماق انداملارين بيزده ياراد دي و پاك روزي لارينان بيزه يئمه لي و زومار وئردي و اوز فضلي نن بيزي احتياج سيز ائله دي و بوللي پاي لارينان بيزه منت قويدي .

21 ) – سونرا بيزي سيناماقا بويوردي و بيزدن بير زادلاري ساخلادي تا بو كي بيز ده شوكور ائدماقي سيناقلادا و بوننان بئله كه بيز اونون بويوروقلارين نان چيخديق و بويوروق باخمامازليق آتينا مينديق آمما اوبيزي آغري لارا سالمادي و انتقام آلماقا تله سمه دي ، بئله كريمانه اوزده او خاص رحمتينن بيزه مهلت وئردي و اوز مهربانليق و دوزليقينان منتظر اولدي توبه ائديب قايداق .

22 ) – حمد و آلقيش تكجه تانريا دير كه بيزه توبه يوللارين گورسد دي ، و بيز بير زاد اونون كرم و پايلارين نان سونرا اله گتيرماديق و اگر توبه ينن تانري نين كرم و پايلارينا چاتاق حقيقت ده اونون عطالاري بيزيم يانيميزدا دا چوخ ياخشي دي .

23 ) – تانري نين سنت لري گئچميش انسانلارين توبه سين قابول ائدماقدا راحات جا دگيلدي ( بلكه چتين راقي دي ) ، تانري اوز كرم و لطفون نن او زادلاري كه اونلارا طاقتيميز يوخيدي بيزيم داليميزدان گوتوردي و تكجه اوز گوجوموزجه دن آرتيق بيزه تكليف وئرمه دي و بيزه آساد و يونگول تكليف لري بويوردي و هئچ كيمسه يه باهانا يولي قويمادي .

24 ) – بونا گوره بيزيم آراميزدا پيس پايلي آدام او كيمسه دير كه سوچ و گوناهلاري نان اوزون هلاك ائده و بيزيم آراميزدا خوش پاي او كيمسه دير كه تانريا سئويملي اولا .

25 ) -  حمد و آلقيش تانري اوچون دير او ئولچولرده كه لاپ ياخين فرشته لر ولاپ سئويملي حمد ائدنلر تانري يانيندا ائدير لر .

26  ) – ائله بير حمد و آلقيشي كه اونون اوستونلوگي آييري بير آلقيشلارا بنزري بونا بنزير كه تانري نين اوستونلوگي آييري بير زادلارا دير.

27 ) – حمد و آلقيش تكجه اونون اوچون دير او نعمت لرينه گوره كه بيزه و هاممي يارانميش لارينا قاباقدان و سونرادان عطا ائديب دي و ائديري ، حمد و آلقيش هامم زادادلار جا كه تانري نين بيليمي اونلاري توتوب ونئچه بارابار اونلارين سايي جا ، و هميشه ليك حمد تانريا تا قيامت گوني چاتانا جان .

28 ) – حمدي كه قورتولمويان – ساي سيز و سايا گلمئين و دائمه ليك اولا .

29 ) – حمدي كه بنده ليگه و باغيشلاماقا آلقاش اولا ، و تانري ني سئوينج و باغيشلادان ائده و بيزي بهشته آپارا و آغري لاردان ساخلييا و اونون حرص لنماقين قورتارا و بنده ليك ائدماقا يارديم اولا و بيزي گوناهلاردان ساخلييا و بيزه حققي وئرماقا يارديم اولا و گورولري ميزه ده داياق اولا .

30 ) – ائله حمد و آلقيشي كه بيزي تانري يانيندا لاپ ياخشي پالي لاردان ائده و اونون وسيله سيله بيزي او كيمسه لردن ائده كه قاجلارين قيلينجي نان شهيد اولوبلار ، تانري دير كه لاپ سئويملي باشچي دير .

                                                                               ***