اورمونون دوزلي قيزي
دوزلي قيز اورموگولي
دوزلي قيزين ايكي سويوق قارداشي
اورمو تبريز بوباش او باش سر داشي
ايكي قارداش بير باجي دا گوزي يوخ
وارليقينا نمنه دئسين سوزي يوخ
اورميه دن دوزلي قيزين پايي وار
تبريزدن دا قالماقينا حققي وار
هئچ بيريسي دوزلي قيزا چاليشمير
وارليقينا شانليكينا قاتيشمير
دوزلي قيزين دوداقلاري قورويوب
گوز ياشلاري كيرپيك لري قورويوب
اولوسوموز چاره ائدمير باخيري
گوز دنيزي اوني كوير تانيري
سمايه باخماق انتظار بيلله دير
دوزلي قيزدان سون رمقي گورسه دير
دولت چي لر فرق قويوب ايشله مير
آراز خانيم دوزلي قيزي امديرمير
آراز خانيم سنه قوربان كيم اولسون
كارون اولسون كرمان اولسون كيم اولسون
ايسلاديري كارون كرمان دوداقين
سنده گتير دوزلي قيزين حياتين
آراز خانيم دز چايينا باخيش سال
قم شهرينه نئجه دادير باخيش سال
دوزلي قيزين قوري دوداقين ايسلاد
وارلارين نان بو يوخسولا بير يوللاد
بو يوخسولون ئولماقي اوندا قالماز
ئولوم اوننان قايناق توتار ساخلانماز
دادار سويلار بوقايناقي قورتولماز
چاره قيلسا ايندي بوسوي داغيلماز
آجي نيت داغيلماقا ساليب لار
گئچميشلرده بوردان هجرت توتوبلار
سوي قاجينا طبيعت يارديم ائتمه
دوزلي قيزين ئولوموني گتيرمه
بؤلوم : آنا ديل
یازار : جعفر احمديه
جهاد اقتصادي
جهاد اقتصادي
جهاد اقتصادي وار سالاندي
حيات يولون سويوموزا آچاندي
دوزلي قيزين حياتي اوننان گئدير
هانسي بوردا اقتصاد بوني بيلير!
دوزلي قيزين حياتي اقتصاد دي
ئولوم گلسه بونا هر نه ممات دي
جهاد اولسون باغلانسين اقتصادا
پارلاق حيات پاي گتيرسين سويلارا
دام يئخيلير ايوان بزك ائدن وار
قيز ئولوري ديناقا لاك ياخان وار
ئولوم گلسه اقتصادي ساخلاماز
سهراب ئولسه نوشدارو فايدا سالماز
جيلو لوقدا بوردا قيريم واريدي
تهران اوچاغ اوزاق لاردان باخيردي
باخيش سالدي يارديم بيزه اولمادي
گئنه قيريم گلماقيني قانمادي!
سوي قاجلاري آجي نيت توتماسين
آجي باخيش بووارليقا سالماسين
بو وارليقين دادلارين نان ياشير لار
نعمت گوروب نانكورلوقي سالير لار
جهاد اقتصادي آخيم اولسون
حيات وارين اراز چايين نان آلسين
دوزلي قيزين حياتيني ساخلاسين
بوللي نعمت هاممي لارا پايلاسين
بؤلوم : آنا ديل
یازار : جعفر احمديه
واحد پول ملي
واحد پول ملي
واحد پول ملي تومن اولسون ياخشي دير
بو واحدين سس لري قولاق لارا تانيش دير
چوخلي چاغدان بو واحد ديللرده ديلله نيب دي
بوتون ايران ايچينده بو واحد ديلله نيب دي
نييه آييري بير سوزي بونون يئرينه قوياق
نييه آييري بير آدي ياخشي يئرينه سالاق
تومان بللي اولونموش ايرانلييا بللي دير
چوخ دا اسكي چاغلاردان بئيين لرده سسلي دير
ايران دا پول واحدي تومان اولوب اومان دير
***
بؤلوم : آنا ديل
یازار : جعفر احمديه