مللتيميز وارلي دير
مللتيميز وارلي دير ندن سينا اوزگه يه   
قالين كوتوك لرلي ديركونول وئرمز اوزگه يه
اوزگه دن بورج آلانلار باش اششاغي اولار لار
اوزگه ديلين توتانلار فطري پاي دان قالار لار
فطري پايين بيلن لر آلماق ليقين سئور لر
اوزلوك لرين دئين لر كيمليك لرين سئور لر
سويوموزون كولتوري تانري نان وارلانيب دي
تانري نان آدلانان لار كيمليك لرين دئيب دي
كولتورلرين سينيرين مللتيميز ساخلادار
دوشونجه لر قايناقين گئچميشي نن بارلادار
تاريخين يوك لرين نن سويون بئلي اگريليب
آمما ائله بوتاريخ سويوموزل گوج وئريب
بويوك سويلار باشيندا آغري ليق لار چوخ اولار
مصيبت لر سويلارا وارليق لارين پارلادار
آجي شيرين چاغلاردان مللتيميز گوجله نر
باشي اوجا اولماقا داها جا دا بلله نر
اوتانمالي بير سينيق گورسه نيري حياتدا
سينمئيانلار وارليقي حياتي وار مماتدا
ايگيد لرين قانلاري حياتي پايلاداندي
مللت لرين وارليقين قانلاري ساخلاداندي
***  

چول گوني

تكامل يوللارين بيلديرن اولور

حياتين وارليقي حيات يارادير

بولوت لار بير بيرين تاپيب باغلانير

دنيز لر وارليقي اوننان شان لانير

باشلانير دا باهار بيلديريش سالير

سئوينج ياشلاريني بولوت جالادير

آخيم لار وارينان حيات جانلانير

كونوللر وارليقي داها آدلانير

چول گوني قاباقدا هاراي چكيري

سوفراسين آچيب دي گلين دئييري

كونوللر كاساسي ايكي تيكه دي

بيريسي بيري نن وارليق سسي دي

سينيق لار بيرلشسه كاسا دوزه لير

حياتين ماياسي اوننان سوزه لير

گوزلليك گوزلره گوزل بئزه نير

            ***

نوروز

تعصب نوروزا اوني ساخلاديب

تعصب وارليقا وارليق پارلاديب

تعصب ساخلاماق قالماق ياراديب

             نوروزدا گوزلليك سيزه موبارك

             نوروزدا سوز بيرليك سيزه موبارك

تعصب قالماقين انگين يئري دي

تعصب وارليقين آرخا يئري دي

تعصب شانليكين قايناق يئري دي

               نوروزدا تعصب سيزه موبارك

              وارليقدا تعصب سيزه موبارك

نوروزدا تئزه ليك اوزون گورسه دير

باهارين كافري اوزون گيزله دير

تئزه ليك گليري وارليق ائينه دير

             نوروزون شانليكي سيزه موبارك

             شانليك لار وارليقي سيزه موبارك

گوزل بير عنعنه بيزه چاتيب دي

قالماقا تعصب بيزده گوروب دي

راحات جا قالماقي بيزده بيليب دي

             گوزل بو عنعنه سيزه موبارك

            گوزلليك سئوينجي سيزه موبارك

پروين اعتصامي نين ايل دونومونه گوره

تبريز سني بويود دي باشين قوزاندي عرشه

دويغو سنده چوخالدي هئچ باخمادين سن فرشه

اوزي توتدون اوزگه يه اوزلوكي سن اونود دين

وارليقيندا قالمادين بورجلي قالدين اوزگه يه

تانري وئرميش آيتي سن اوزونده اونود دين

اوزگه لرين وارينا وارليق قويدون چوخاد دين

تبريز تعصب يوردي سنده نييه اولمادي

آنا ديلين وارليقي سنده نييه قالمادي

اوزگه لرين وارينان قامت ندن قوزادين

ملي وارليق اوزلوكدن ندن الدن سالدير دين

اوزگه سني بلله دير اونلارينان اولوب سان

اوزلوك سن نن هئچ دئمير سن بوني اونودوب سان

اوزلوكه وار دئمه ميش اوزگه ده آرتيريب سان

نانكورلوقون يوللارين اوزلوكده ساخلاديب سان

من عــــــــــــــرف نفسنـــــــي سنده نييه اولمادي

قد عــــــــرف ربنــــــــــي سن نن نييه جوشمادي

آنا وارليق حورمتي سن نن دا ساخلانمادي

آنا حورمتي واجب آمما سنده اولمادي

ندن آيريلماق سنده اوزون نن دا چوخالدي

پروين اعتصامي نين ايل دونومونه گوره

تبريز سني بويود دي باشين قوزاندي عرشه

دويغو سنده چوخالدي هئچ باخمادين سن فرشه

اوزي توتدون اوزگه يه اوزلوكي سن اونود دين

وارليقيندا قالمادين بورجلي قالدين اوزگه يه

تانري وئرميش آيتي سن اوزونده اونود دين

اوزگه لرين وارينا وارليق قويدون چوخاد دين

تبريز تعصب يوردي سنده نييه اولمادي

آنا ديلين وارليقي سنده نييه قالمادي

اوزگه لرين وارينان قامت ندن قوزادين

ملي وارليق اوزلوكدن ندن الدن سالدير دين

اوزگه سني بلله دير اونلارينان اولوب سان

اوزلوك سن نن هئچ دئمير سن بوني اونودوب سان

اوزلوكه وار دئمه ميش اوزگه ده آرتيريب سان

نانكورلوقون يوللارين اوزلوكده ساخلاديب سان

من عــــــــــــــرف نفسنـــــــي سنده نييه اولمادي

قد عــــــــرف ربنــــــــــي سن نن نييه جوشمادي

آنا وارليق حورمتي سن نن دا ساخلانمادي

آنا حورمتي واجب آمما سنده اولمادي

ندن آيريلماق سنده اوزون نن دا چوخالدي

انسانلارين دنيزي گئنيشلي بير دنيادي

گئنيشلي بير دنياني گئنيشلي گورماقدادي

كيمليكي نن باغينا دنيالاري گتيرير

دنيالارين وارليقين نئجه ليگين بيلديرير

دنيالارين وارليقين اوز وارينان دينديرير

ديل واريني دنيايا اوزي اوچون بيلديرير

بوكه بو كيم اولماقي وارليقيندا گورموري !

قاجلاريني يوخلوقا دويغولاري دئييري

دوشونجه ني اودلاد ماق آنا ديلدن باشلانير

استحاله يوللاري بو كورپودن خوشلانير