سئوگي سئويل باغيندا

امانت

۲۷ آبان ۱۳۹۰



امانت


امانتي ساخلاماق تاپشيريقي اونم دير


ايناملي بير كيمسه دن انتظار لار بئله دير


امانتين حورمتي جان ئولچوسونده واردير


امانتي ساخلاماق كرامته مايا دير


امانتي ساخلاماق پيامبردن قاليب دير


امين ليگين لقبين امانتدن آليب دير


بيزده اونون امتي سويوموزدا اولموشوق


بيز ده اونون يولوندا اينام لاري سالميشيق


سويوموزا امانت ان اسكي لردن قاليب


ملي وارليق بايراقي آنا ديلي نن اولوب


آنا ديلين وارليقين سويلاريميز يازان دير


امانتي ساخلادان جان قه ده ري اولان دير


سويوموزدا نانكورلار امانتي ساخلامير


نانكوراولان جماعت امانتي كورلادير


امانتي كورلادان دوشونجه دن قالان دي


اوزگه ديلينده مدرك ايش گورمه گه آلاندي


بير قارينا چاليشان امانتي نه بيلير


خيانتي سالديران قاجلار يولوني گئدير


اوزگه لري توتانلار امانتي بيلمز لر


اوزگه لره سينان لار امانت دن دئمز لر


سويوموزدا حوزه لر امانتي ساخلاسين


تانري وئرن پايلارين شوكور لرين وارلاسين


***




بؤلوم : آنا ديل
یازار : جعفر احمديه