سئوگي سئويل باغيندا

مهدي جان

۲۵ تير ۱۳۹۰

 

 

 

مهدي جان

 

آقا جان قوربان اولوم ائشيدميشم وارليقداسان

 

نئجه سئوگي سالمئييم سويوموزي پارلاديسان

 

آقا جان سنده حيات بيزلري نن يول آپارير

 

آقا جان سئوگي نشاط سني نن بيزلره سالير

 

آقا جان سن باخير سان نه اولايي خوش گورور سن

 

سويوموز كولتوروني سلطه الينده بيلير سن

 

منتظر سن قاليب سان عدالته يول آچاسان

 

بيزده منتظر قاليب بيزه ده يارديم اولاسان

 

آقا جان انتظارين يولوندا بيز نه ايش گوراق

 

يئريش لرين وارليقين باشلاديب هاردان آپاراق

 

آخي بيز يارديم الين اوزادميشيق عدالته

 

آخي بيز اينانميشيق تانري دئين كرامته

 

تانري نين آيه لري يوردوموزون تابلوسي دير

 

تقوي لي كيمسه لرين كرامتي اوستون دير

 

بيز كرامت قاپي سين نان سني آختارمالييق

 

بيز عدالت ئولچوسون نن سنه يول سالمالييق

 

دئيير لر كورلانيش لار دا لاپ چوخالسا گله سن

 

دئيير ئولچولردن ظولم چوخالسا گله سن

 

آقا جان بوننان آرتيقكورلانيش دانمنه اولار!!

 

آقا جان يازقي پوزولسا اعتبار نمنه قالار !!

 

تانري نين آند ايچمه سين سويلاريميز باشدان آتيب

 

نييه كه سويلاريميز ديللريني باشدان ساليب

 

دانيشان ديل هاني كه سوزلريني يازديرا او

 

سويوموز اويود لرين لوحه لرده قازديرا او

 

ملتين وارليق يولي كدر له نيب مات باخيري

 

آقا جان بئله گئدير فيكير باغي اودلانيري

 

نييه فكري ائدمير سيز سوز ، سوزوني تانري دئيب

 

بويان نان ملت هله اوزلوكوني تانيمئيب

 

آقاجان تانري يولي ، سنين يولون پارلاناجاق

 

ملت اوز كيمليكيني پارلاقيندا تانيياجاق

 

ملي وارليق بايراقين مللتيميز قوزاداجاق

 

مهدي جان ، جان سنه قوربان كه عدالت سالاسان

 

بو قارانليق حيصه ني فكر باغين نان پوزاسان

 

مهدي جان ، جان سنه قوربان كه تانري يولونداسان

 

سن كرامت وارليقين سويوموزا سالديراسان

 

مهدي جان ، جان سنه قوربان كه علي اولاديسان

 

عدالت شهيدي نين پارلاق اولموش بالاسي سان

 

مهدي جان ، جان سنه قوربان سويوموز منتظر دير

 

سئوينجين گوز ياشلارين سنين يولويان سپديرير

 

سويوموز چوخ آغلايين سئوينجه گوز ياشين توكون

 

سئوگي ميز يولون توتون دجاللار بايراقين سوكون

 

آقاجان گلماقي نان دجالدان وارليق آلاجاق

 

عدالت سالماقينان سلطه دن وارليق پوزاجاق

 

***



بؤلوم : آنا ديل
یازار : جعفر احمديه