سئوگي سئويل باغيندا

سئويل

۱۴ اسفند ۱۳۸۹

سئوگي

سئوگي دئيير ايستي ليك ، سئويل دئيير واريمدي
سئوگي دئيير سوز بيرليك ، سئويل دئيير منده دي
سئوگي دئيير چاليشماق ، سئويل دئيير ئولچوسي
سئوگي دئيير آليشماق ، سئويل دئيير منيم دي
سئوگي دئيير قاتيشماق ، سئويل دئيير شيطاندي
سئوگي دئيير بارشماق ، سئويل دئيير واريمدي
سئوگي دئيير ياتايديق ، سئويل داها داياندي
سئوگي دئيير چاتميشام ، سئويل دئيير دادميشام
سئوگي دئيير قانميشام ، سئويل دئيير آلميشام
سئوگي دئيير تاپميشام ، سئويل دئيير توتموشام
سئوگي دئيير يانميشام ، سئويل دئيير قالميشام
يانار اودون يانديرير ، جانيمدا جان قوزادير
وارليقيمي اوينادير ، چتين ليكده ساخلادير
اوددان پولاد سو آلير ، داوامليقا يول سالير
سئوگي داواملي ائدير ، وارلانماقي بيلديرير
پيسليك لري سيلديرير ، گوزلليگي بلله دير
وارليق گوزل گورسه نير ، گول گووالار بلله نير
آدخلي ليق ائينه نير ، وارليقلاري بلله نير
ايستك هله سئويل دي، توقع لار بيللنمير
بير بيرلرين ده نقصان ، بير بيرينه ديللنمير
ديللرباغي قورويوب ؛ گوزلر به رلميش قاليب
ايشيقلاري بيليب دي ، قارانليقا يوموب دي
سئويل باغي بئله دي يولي ذيروه دره دي
دنيز لره باغلانير ؛ انسان دنيز تانينير
منيز تكين دادلانير ، دالغا تكين حاللانير
سئويل كونول واريدي ، كونول سئويل باغيدي
كيمسه كونول وئريب دي سئوگي اوننان اولوب دي
                 ***



بؤلوم :
یازار : جعفر احمديه